| 本人真係有 d 受寵若驚o既感覺, 我打左都唔係好多字o者, 竟然有咁多o既回覆, 實在係開心到我唔知講咩好, 唯有學你講返聲 "多謝" 啦. 唔講你個名出來, 都係唔想做到咁盡o者, 我o既目的主要都係想人唔好覺得你講左o野, 我冇反應就係你o岩哂, 我錯哂, 不過既然你都玩到咁盡咯, 咁我只好再講解下啦..............
係丫, 做o野的確係有 deadline 呀, CANDY 小姐, 你收唔到, 唔代表我冇交到, 的確, 我係可以打電話俾你我冇打話我交左, 係我唔o岩丫, 不過, 你收唔到, 你又唔搵我喎, 咁點計先?! 仲有呀, 個 3D floorplan 呀, 你話 ella 想要o個晚十二點幾要丫嘛, 你都十一點幾先打來, 你都唔好意思要我十二點幾俾到你地啦, 下話? 講真, 要整哂o個三個 3D floorplan 你知唔知要用幾多時間呀? 加加埋埋, 左改右改, 成十個鐘架!!!!
再者, 請你留意一下, 我唔係 presnet o個日先咳o既, 只不過係咳到死都返來 present o者, 我咳左都成個幾兩個月啦, 不過係你地唔覺o者, 不過你叫得我小心身體咁好人, 我梗係要小心啦 !!!
好, 到講傾 project o個 part, 我老婆都係出左來一次o者, 你咁都要拎出來講, 不過係咁o岩都想去o個邊先一齊來o者, 哦 ~~~ 大家相安無事就 hehe haha, 仲要一齊行街, 而家你對我不滿, 就拎埋我老婆出來講, 你都幾好o野個喎.真係估唔到你咁有品o既, 送多個"好"字俾你 !! o係呢度, 要同老婆講返聲對唔住, d 人話我搞到話埋你, 真係好對唔住呀 !!!
真係好多謝你咁關心我 d 英文程度喎, 不過我想話我o岩o岩收到冇幾耐o既英文作交有 A 啵, 會唔會係我 d 英文唔多o岩你睇呀? 改得你咁辛苦, 又俾多個 sorry 你啦, 好唔好?! ( 不過我想話呢, finanlize o既責任只不過係叫人地改, finalize o個個要改o既只係 format, 最多都只不過係個 writing style, 而唔係 content, 要改 content o既, 一定要搵返做o個個人改, 不過睇來你要自己改睇怕都係怕煩啦 )
仲有, 你真係有 d 走火入魔啦, 你話有搵人幫, 睇怕除左 ella 同 robaca 之外, 其他o個 d 會唔會都唔係自己組架?! 即係咁, 我唔係話唔俾其他人幫, 之不過你話好在有 ella 同 robaca 幫手, 咁即係咩意思呢? 會唔會係你自己選擇性失憶, 唔記得左邊個先係你組員呀? 定係選擇性手腦不協調, 下下諗起打俾我, 又打左俾第二個咁呀? 真係唔知點解, 你成日都話點敢煩我, 呢個係你自己o既諗法o者, 未免都真係太主觀囉啵.
你叫我打聽下唔係冇人罵過你份可愛, 但係你都仲係要份o既, 咁都真係冇得救個囉啵, 係咪? 再者, 我冇須要知道有冇人罵過你呢樣o野丫, 我都係講我想講o既o野o者, 冇須要知有冇人罵過你吧?!
仲有, 電話多又如何, 都係三兩句就收線啦, 你係覺得唔o岩o既咪講囉, 你唔講, 咁邊個會知有問題呢? o既然你都知我大過你啦, 我都點會係小氣罵你呀? 再講, 我從來都唔鐘意罵人o既, 我唔知點解你會有咁o既諗法囉 ....... 諗唔到點話我都唔好亂作先得架? 話驚我話你, 間直係笑話, 大家話係咪好有趣呢 ?!
好, 到左做o野o既時候啦, 我次次話分工都俾你地選好要做咩, 我先做你地唔做o個 d 個啵, 最冇所謂o既就係我架啦, 你地唔要做o既我就去做, 我唔敢話我自己咁樣做好好, 不過起碼唔係衰先啦. 咁你次次開完會都話你打 notes, 科科都做 finalize, 咁咪就俾你做囉. 咁又唔o岩? 你話我聽唔到你要幫手, 咁多又再同你 say sorry 啦, 錯就要認, 打就要企定, 我知個啵. 衰左咪衰左囉, 咪大方 d 認左佢囉. 冇問題架. 不過我想講, 如果你真係要搵我幫手o既, 點會搵唔到, 唔好話我知你怕呢樣, 怕o個樣呀! 大家都咁大個人啦, 唔係講句o野都咁細膽呱?!
唔....跟住到 key assumption 啦, 你話我訓左, 所以做出來o既o野唔係阿 Leonard 要o既o野, 不過做 key assumption 之前, 我係親自去問 Leonard 架, 咁佢咁講, 我咁做囉, o個日我係最遲走o個個來架, 第二班入左來我都仲問緊, 咁都叫唔負責任, 做得唔好, 唔該哂你喎 !!! 咁我問完佢, 佢話咁做咪咁做囉, 點知佢又會改左佢o既 expectation 先得架? 相信大家都覺得 Leonard 係好人一個, 不過 at the moment 都仲未係一個好老師囉, 講o既o野前後不一又有幾奇呀?
好丫, 就算係打機個 pt 誤會左, 又如何? 我真係冇聽過你叫我填份 form 喎, 不過如果當時你係咁二放左份 form o係度都算叫左我o既話, 咁又當我錯啦, 好唔好? 你要 example 丫嘛, 好呀, 記得 pre 完 Leonard 之後要改o野未嘛? 你都係掉張紙過來, 又唔知你俾邊個喎, 有冇禮貌呀?!
仲想要 example o既話, 你自己搵我, 我再俾你, 唔好阻大家咁多時問啦, 係咁! |
